Tugann O’Dowd aird ar a ghealltanas leanúnach don Ghaeilge in Iarthar Bhéal Feirste
Date published:
Dheimhnigh an tAire Bonneagair, John O’Dowd, gealltanas a Roinne i dtaca le leathadh amach leanúnach na Gaeilge de in iarthar Bhéal Feirste.
Tá fáilte curtha ag an Uasal O'Dowd roimh an dul chun cinn atá déanta le blianta beaga anuas agus dúirt sé gur céim dhearfach í an taispeáint dhátheangach eolais atá déanta ag Translink do phaisinéirí ar na seirbhísí Glider agus Metro, ina measc sin tabhairt isteach na comharthaíochta is na bhfógraí fuaime dátheangacha ar an Glider idir Páirc an Mhuilinn agus Bóthar Mhic an Aistrigh.
Ag labhairt dó i ndiaidh cruinnithe Dé Céadaoin leis an Ghaeilge sa Cheathrú Ghaeltachta a phlé le Forbairt Feirste, dúirt sé:
“Bhí áthas orm bualadh le Forbairt Feirste le mo ghealltanas leanúnach don chomhionannas ar son lucht labhartha na Gaeilge a phlé.
“D'iarr mé ar na hoifigigh s’agam moltaí a fhorbairt maidir le tionscadal a fhágfaidh go mbeidh comharthaí tráchta ilteangacha i bhfeidhm ar bhonn píolótach sa Cheathrú Ghaeltachta i mBéal Feirste, áit ina bhfuil pobal Gaeilge faoi bhláth.
“Cuideoidh sé seo le bonn eolais a chur faoi cheapadh beartais don todhchaí maidir le húsáid na gcomharthaí tráchta ilteangacha.”
"Tá ról le himirt ag na Ranna agus ag na comhlachtaí poiblí le tacaíocht a thabhairt d’úsáid na Gaeilge is d’úsáid Albainis Uladh agus lena n-úsáid a chur chun cinn, agus leanfaidh an Roinn s’agam léi ag déanamh amhlaidh. CRÍOCH
Notes to editors:
Nóta d’eagarthóirí:
- Ba cheart fiosrúchán ar bith ó na meáin a chur chuig preasoifig na Roinne Bonneagair ag: press.office@infrastructure-ni.gov.uk.
- Lean muid ar Twitter @deptinfra agus ar Facebook @DepartmentforInfrastructure agus ar LinkedIn ag DfILinkedIn.
- Cuireann Seirbhís Eolais an Fheidhmeannais seirbhís ar fáil taobh amuigh d'uaireanta oibre d'fhiosruithe ó na meáin amháin, idir 1800 agus 0800 ó Luan go hAoine agus ag an deireadh seachtaine agus ar laethanta saoire poiblí. Is féidir teagmháil a dhéanamh leis an phreasoifigeach ar dualgas ar 028 9037 8110.