Bhuail an tAire le Foras na Gaeilge
Date published:
Bhuail an tAire Bonneagair Liz Kimmins le Foras na Gaeilge agus dúirt sí arís go bhfuil an rún daingean aici go dtabharfar an áit cheart don Ghaeilge fud fad na seirbhísí poiblí a bhfuil sí féin freagrach astu.
Is é a dúirt an tAire Kimmins:
“Ní chreidim go bhfuil aon ábhar imní do dhuine ar bith sa Ghaeilge. Is cuid dár stair agus dár n-oidhreacht í. Tá sí le feiceáil thart timpeall orainn uilig inár logainmneacha, agus tá neart ceantar sa tuaisceart ina labhraítear sa teaghlach, sa phobal, sa scoil, agus san áit oibre í.
“Is é ar na cúiseanna seo, agus ionas go gcomhlíonfaidh muid na ceangaltais s’againn leagtha amach sa Chairt Eorpach do Theangacha Réigiúnacha nó Mionlaigh agus i mBeartas Gaeilge mo Roinne, go bhfuil an rún daingean agam go dtabharfar an áit cheart don Ghaeilge fud fad na seirbhísí poiblí a bhfuil mé féin freagrach astu.”
Notes to editors:
- Ba cheart fhiosrúchán ar bith ó na meáin a chur chuig preasoifig an Roinn Bonneagair ag: press.office@infrastructure-ni.gov.uk
- Cuireann Seirbhís Eolais an Fheidhmeannais seirbhís ar fáil taobh amuigh d'uaireanta oibre d'fhiosruithe ó na meáin amháin idir 1800 agus 0800 ó Luan go hAoine agus ag an deireadh seachtaine agus ar laethanta saoire poiblí. Is féidir teagmháil a dhéanamh leis an phreasoifigeach ar dualgas ar 028 9037 8110.
- Lean an Roinn Bonneagair ar na meáin shóisialta: