Beidh an Ghaeilge le feiceáil ag Mórstáisiún Lárnach Bhéal Feirste
Date published:
Tá sé deimhnithe ag an Aire Bonneagair Liz Kimmins go mbeidh an Ghaeilge le feiceáil ar an chomharthaíocht fhisiciúil ag Mórstáisiún Lárnach Bhéal Feirste agus ar na meaisíní ticéad.
Is é a dúirt an tAire Kimmins:
“Is é Mórstáisiún Lárnach an tsaoráid chomhtháite iompair is mó ar oileán na hÉireann. Is teanga bheo faoi bhláth í an Ghaeilge, atá in úsáid ag daoine achan lá ar fud an tuaiscirt. Is cuí go mbeidh an Ghaeilge le feiceáil ag an stáisiún do thaistealaithe a bhfuil Gaeilge acu, agus don lear mór cuairteoirí a thagann go dtí an chathair chomh maith. Is forbairt dhearfach é seo le tuilleadh feasachta agus tacaíochta a chur chun cinn don Ghaeilge.”
Cuirfear an chomharthaíocht nua i bhfeidhm mar chuid de na hoibreacha leis an stáisiún nua a chur i gcrích.
Notes to editors:
- Ba cheart fiosrúchán ar bith ó na meáin a chur chuig preasoifig na Roinne Bonneagair ag: press.office@infrastructure-ni.gov.uk.
- Cuireann Seirbhís Eolais an Fheidhmeannais seirbhís ar fáil taobh amuigh d'uaireanta oibre d'fhiosruithe ó na meáin amháin, idir 1800 agus 0800 ó Luan go hAoine agus ag an deireadh seachtaine agus ar laethanta saoire poiblí. Is féidir teagmháil a dhéanamh leis an phreasoifigeach ar dualgas ar 028 9037 8110.
- Lean an Roinn ar: